Autori në hyrje të librit shkruan për lexuesin: Përpara ke shpirtin e hapur të një krijuesi modest, ke botën e tij që jeton nën makthin e vazhdueshëm të së pathënës, të së pamundurës tunduese e sfilitëse. Jam vizitor i rastësishëm në këtë univers të pafundmë. Ashtu siç erdha në këtë botë të trazuar nga vorbulla e vluar e çoroditjes po ashtu do të iki, i përzënë nga hiri i harresës, duke ngelur një imazh i përkohshëm në ndonjë varg a rresht nekrologjie në ditën e fundit të ekzistencës e të qenit i paqenë.
Erdha për të jetuar, jetoj duke ëndërruar, do iki i ‘përzënë nga ngopja me jetë’.
Kaq është jeta, ky është kuptimi i saj. Lexim të këndshëm!
