Profecitë e Zotit të Tomorrit

A është mali Tomor, treva ku Dodona Pellazgjike ka nismën e vet? A është mali mitik shqiptar, pika që sot vizitohet nga qindra e mijëra pelegrinë, vendi ku Dodona Pellazgjike ka “banesën” më të hershme se gjetjet arkeologjike në Janinë? Cilët ishin fiset që banonin rreth Malit të Shenjtë, në periudhën e hershme dhe cilat janë lidhjet e vazhdimësisë, sipas studiueseve dhe gjetjeve arkeologjike? Këto e të tjera përgjigje, të pyetjeve jep, libri me titull “Profecitë e Zotit të Tomorrit”. Është një vepër studimore ku autori Ilir Cenollari sjell tek lexuesi me burime historike nga autorë të lashtësisë dhe të ditëve tona.

Duke iu shmangur patriotizmës fals, autori shkencërisht sjell para lexuesit fakte dhe krahasime nga autorë të lasht si Homeri, Hosiodi, Stefan Bizantini, Hetakeu, Eskili, Pindari, Aristoteli, Horodoti, Plutarku, Polibi, Straboni, Titi Livi, Apolodori, Plini etj etj. të cilat i krahason me studimet për gjetjet arkeologjike dhe studime gjuhësore të shkencëtarëve më në zë në Evropë e në botë, albanolog e jo të tillë, të cilët kanë debatuar për shenjtërinë e Malit Tomor.

Referencat që ka bërë autori me pohimet e autorëve të lasht si Tuqididi, Stefan Bizantini, Hygini, Ovidi etj. si dhe studimet e disa albanologëve të shquar me të cilët ai këshillohet sjellin tek lexuesi jetesën dhe bëmat e fiseve para ilire dhe ato ilire rreth Dodonës, në Arkadi, por edhe gjuhën dhe veshjet e tyre.

Libri “Profecitë e Zotit të Tomorrit” me autor Ilir Cenollarin dhe redaktor Zylyftar Plaku, vjen tek lexuesi nga Shtëpia Botuese “Jonalda” edhe me një përmbledhje në gjuhën angleze.

Libri ka 200 faqe dhe kushton 1000 lekë

Add a Comment

Your email address will not be published. Required fields are marked *